«Ерлік пен елдік – ұрпаққа аманат» ерлік сабағы
«Ерлік пен елдік – ұрпаққа аманат» ерлік сабағы
19 қазанда Республика күні қарсаңында №210 мектеп-лицейінде Қазақстан Республикасы Ішкі істер министрлігі Ұлттық ұланы офицерлерінің қатысуымен «Ерлік пен елдік – ұрпаққа аманат» атты ерлік сабағы ұйымдастырылды. Кездесуде Ұлттық ұлан әскери қызметшілерінің ерлігі, Отанға адал қызмет ету, әскери борышты орындау, заңды құрметтеу және қоғамдық қауіпсіздікті қамтамасыз ету мәселелері қозғалды.
Ұлттық ұлан Бас қолбасшысының кеңесшісі, майор Әлібек Әбділов елге қызмет етудің негізі адалдық пен жауапкершілікте екенін атап өтті. Сонымен қатар майор Жандос Баянбаевтың қызмет барысында көрсеткен батылдығы мен жанқиярлығы жас ұрпаққа үлгі ретінде таныстырылды. Кездесу Ұлттық ұланның Үлгілі-көрсетімді оркестрінің музыкалық бағдарламасымен және Құрмет қарауылы ротасы әскери қызметшілерінің саптық дефилесімен аяқталды. Аталған іс-шара оқушылардың әскери-патриоттық тәрбиесін нығайтуға, ерлік пен батылдықты дәріптеуге, Отан алдындағы борыш пен азаматтық жауапкершілікті түсіндіруге бағытталды.
Ерлік сабағы тек әңгіме форматында өткен жоқ. Кездесу соңында Ұлттық ұланның Үлгілі-көрсетімді оркестрі музыкалық бағдарлама ұсынды.
Сондай-ақ Құрмет қарауылы ротасының әскери қызметшілері саптық дефиле көрсетті. Оқушылар әскери сап мәдениетімен, тәртіппен және Ұлттық ұланның салтанатты дәстүрлерімен танысты.
Бұл көріністер жасөспірімдерге әскери қызметтің күнделікті міндеттерімен қатар, оның дәстүрлік және тәрбиелік қырларын да көруге мүмкіндік берді.
