Тәрбие және құндылықтар - №210 мектеп-лицей

Оқушылар Ұлттық ұлан батырымен кездесті

admin — Tue, 20 Jan 2026 09:32:54 +0600

Алматы қаласының Алатау ауданындағы №210 мектеп-лицейінде Ұлттық ұлан батырларына арналған «Ерлік сабағы» өтті.
Іс-шараға ІІІ дәрежелі «Айбын» орденінің иегері, Ұлттық ұлан батыры майор Жандос Баянбаев арнайы шақырылды. Кездесу барысында алдымен оқушыларға майор Жандос Баянбаевтың ерлігі туралы түсірілген деректі фильм көрсетіліп, батырдың өмір жолы мен қызметтегі ерлігі таныстырылды. Бұдан кейін ол оқушылармен ашық әңгіме жүргізіп, әскери қызмет барысындағы бастан өткерген оқиғаларымен бөлісті, сондай-ақ оқушылар тарапынан қойылған сұрақтарға жан-жақты жауап берді. «Ерлік сабағына» алғашқы әскери және технологиялық дайындықтан өтіп жатқан жоғары сынып оқушылары, сондай-ақ мектептегі «Жас сарбаз» сыныбының тәрбиеленушілері қатысты. Сабақ Ұлттық ұлан батырлары атындағы «Ерлік сыныбында» ашық сабақ форматында ұйымдастырылды. Іс-шараны мектептің алғашқы әскери және технологиялық дайындық пәнінің мұғалімі, запастағы полковник Ниязтай Әлкешев өткізді. Кездесу соңында №210 мектеп-лицейдің директоры Гүлнара Ахметова құрметті қонақ Жандос Баянбаевқа алғыс хат тапсырып, жас ұрпақты әскери-патриоттық рухта тәрбиелеуге қосып жүрген үлесі үшін ризашылығын білдірді. Сонымен қатар, мектеп оқушыларының отансүйгіштік тәрбиесіне атсалысып жүрген Ұлттық ұлан әскери қызметшілеріне алғыс айтты.

«Құқықбұзушылықтың алдын алу»

admin — Mon, 19 Jan 2026 15:53:54 +0600

2026 жылғы 19 қаңтар күні Алматы қаласы Алатау аудандық Полиция басқармасына қарасты Криминалдық полиция бөлімінің аға жедел уәкілі, полиция капитаны Усен Нуршад Талғатұлы және Алатау аудандық Полиция басқармасының Қоғамдық қауіпсіздік бөлімінің Ювеналдық полиция бөлімшесінің инспекторы, полиция лейтенанты Шайкыслам Э.С. №210 мектеп-лицейінде профилактикалық бағытта түсіндіру жұмыстарын жүргізді.

Аталған іс-шараға мектеп-лицейдің 10-11-сынып оқушылары қатысты. Кездесу барысында «Құқықбұзушылықтың алдын алу» тақырыбы аясында кәмелетке толмағандар арасындағы құқықбұзушылықтың алдын алу, жасөспірімдердің әкімшілік және қылмыстық жауапкершілігі, қоғамдық тәртіпті сақтау, қауіпсіз мінез-құлық дағдылары, интернеттегі қауіпсіздік, буллинг пен зорлық-зомбылықтың алдын алу мәселелері бойынша кең көлемде түсіндірме жұмыстары жүргізілді.

Полиция қызметкерлері оқушыларға Қазақстан Республикасының қолданыстағы заңнамаларына сәйкес құқықтық нормаларды түсіндіріп, құқықбұзушылықтың салдары, оның жеке тұлғаның дамуына тигізетін кері әсері жөнінде нақты мысалдар келтірді. Сонымен қатар оқушылардың құқықтары мен міндеттері, құқықтық мәдениетті қалыптастырудың маңыздылығы туралы мәліметтер берілді.

Іс-шара сұрақ-жауап форматында өтіп, оқушылар тарапынан қойылған сұрақтарға жан-жақты жауаптар ұсынылды. Кездесудің негізгі мақсаты — оқушылардың құқықтық сауаттылығын арттыру, заң талаптарын сақтауға тәрбиелеу және құқықбұзушылықтың алдын алу болып табылады.

№210 мектеп-лицейінде «Жас Сарбаз” сыныбы ашылды

admin — Tue, 09 Dec 2025 10:54:23 +0600

Қазақстан Республикасының Тәуелсіздігі күні мерекесі қарсаңында Алматы қаласы Алатау ауданындағы Гүлнара Ахметова басшылық ететін №210 мектеп-лицейде «Жас сарбаз» әскери-патриоттық және Ұлттық ұлан батырлары атындағы «Ерлік сыныбының» ашылу салтанаты өтті. Бұл игі шара Қазақстан Республикасының Ұлттық ұланымен бірлесе отырып, Алматы қалалық Білім басқармасының қолдауымен ұйымдастырылды. Әскери-патриоттық бағыттағы іс-шараның негізгі мақсаты – оқушылардың бойында Отанға деген сүйіспеншілікті, туған жерге деген құрметті, қазақстандық патриотизмді қалыптастыру. Батыр бабаларымыздың және қазіргі заман батырларының ерліктерін үлгі ете отырып, оқушыларды батылдыққа, төзімділікке, тәртіпке және жауапкершілікке тәрбиелеу. Сондай-ақ, спорттық шаралар, оқу-жаттығулар арқылы жастардың денесін шыңдап, салауатты өмір салтын ұстануға баулу. Кәсіби бағдар бере отырып, болашақта Қазақстан Қарулы Күштерінің қатарын толықтыруға дайындау, әскери мамандықтарға деген қызығушылығын арттыру. қушылар салтанатты түрде ант қабылдаған соң, «Жас сарбаз» қатарына ресми қабылданып, «Жас сарбаз» гимнін орындады. 5571 әскери бөлімінің әскери оркестрі патриоттық әндерді орындап, оқушыларды рухтандыра түсті. Бұдан әрі мерекелік көңіл күймен Ұлттық ұлан батырлары атындағы «Ерлік сыныбының» салтанатты ашылу рәсімі болды. Заманауи талаптарға сай жабдықталған жаңа сыныптың лентасын Ұлттық ұлан ардагері отставкадағы полковник Сәбит Аймағамбетов, мектеп-лицей директорының оқу ісі жөніндегі орынбасары Салтанат Ашимбаева және Алматы қалалық дене шынықтыру және спорт ғылыми-зерттеу орталығы алғашқы әскери және технологиялық дайындық бөлімінің жетекшісі Марат Қанатов қиды. Іс-шара қонақтары Отанға адал болуға ант берген жас сарбаздарға сәттілік тілеп, осындай іс-шаралардың өскелең ұрпақ тәрбиесі үшін маңызын атап өтті. Осы мектептің алғашқы әскери дайындық пәнінің мұғалімі запастағы полковник Ниязтай Әлкешев:
Бүгін 5 сынып оқушыларын «Жас сарбаз» әскери-патриоттық сыныбына қабылдадық. Олар жас сарбаздардың антын қабылдады. Оқушыларға әскери-патриоттық тәрбие және кәсіптік бағдар беру жұмыстары тоқтамайды. Арнайы бағдарлама бойынша іс-шаралар жүргізіліп тұрады. «Жас сарбаз» сыныбының оқушылары мектеп бітірген соң, күштік құрылым мамандарын дайындайтын оқу орындарына түсуге жолдама алады, - деді.
https://share.google/welh4Zifypl6JYm4K
https://share.google/r1UP9BsbBm9AQ3xL3
https://share.google/U28sPb8ssp6lTiHsh

Жыныстық тиіспеушілік сипаты бойынша қылмыстың алдын алу

admin — Mon, 10 Nov 2025 17:04:17 +0600

2025 жылдың 10-қазан күні жалпы орта білім беретін кәмелетке толмағандардың жыныстық қолсұғылмаушылық және репродуктивті денсаулықтарын сақтау мақсатында "Жыныстық тиіспеушілік сипаты бойынша қылмыстың алдын алу" тақырыбында 7-11 сынып қыздарымен кездесу ұйымдастырылып өткізілді. Жыныстық қабілеттің жетілдіру жолдары, жасөспірім психикасы үшін өте ауыр кезең екендігі, балаларға қатысты жасалынатын түрлі сипаттағы қатыгездік пен зорлық-зомбылық әрекеттердің түрлері мен ондай жағдайдан шығу жолдары кеңінен түсіндірілді. Іс-шараға мектеп әкімшілігі мен 25 қалалық емхананың эпидемолог дәрігері Ақмолдина Жанерке Мақсатқызы, жоғары сынып білімалушылары қатысты. Жиналыста 25 қалалық емхана гинеколог дәрігері Ахметова Марал, директордың тәрбие ісі жөніндегі орынбасары А.Сармакова, психолог Г. Амангелдіқызы, Г.Сапарғалиқызы, медбике А.Шурегеева, М.Омарова тарапынан кеңінен ақпараттар берілді. Мектеп оқушылары тарапынан қойылған сұрақтарға жауаптар берілді.

«Қыран елім – Қазақстан»

admin — Thu, 23 Oct 2025 17:16:55 +0600

25 қазан – Республика күніне және Қазақстан Республикасының мемлекеттік тәуелсіздігі туралы Декларацияның 35 жылдығына орай №210 мектеп-лицейінде мерекелік іс-шаралар ұйымдастырылды.

Іс-шара аясында концерттік бағдарлама ұйымдастырылып, оқушылар патриоттық әндер шырқап, өлеңдер оқыды. Домбырашылар күй тартып, ұлттық рухты дәріптеді. Сонымен қатар, сынып сағаттары өткізіліп, оқушыларға Республика күнінің тарихи маңызы мен ел тәуелсіздігінің қадір-қасиеті туралы кеңінен түсіндірілді.

Мерекелік іс-шараның мақсаты – оқушылардың бойында елге деген сүйіспеншілікті, ұлттық құндылықтарды және отансүйгіштік сезімді қалыптастыру.

Қарттарым - асыл қазыным!

admin — Wed, 08 Oct 2025 17:10:43 +0600

8 қазан күні Өжет және Дархан ықшам аудандарының зейнеткерлері арасында шахматтан жарыс өтті. Іс-шараға зейнет жасындағы қарттар қатысып, өзара сынға түсті. Бұл жарыстың басты мақсаты – аға буын өкілдерінің бос уақытын тиімді өткізуге мүмкіндік жасау, зейнеткерлер арасында салауатты өмір салтын насихаттау және ақыл-ойды дамытатын шахмат ойынына қызығушылықты арттыру болды.Қарттар жарыс барысында ерекше сергектік пен табандылық танытып, өздерінің өмірлік тәжірибесі мен ойлау қабілеттерінің ұшқыр екенін тағы бір дәлелдеді. Әр ойыншы қарсыласына лайықты деңгейде ойын өрнегін көрсетіп, жеңіс үшін бар күш-жігерін салды. Жарыс қорытындысы бойынша үздік нәтиже көрсеткен қатысушыларға Алатау ауданы әкімінің атынан алғыс хаттартабысталды. Бұл шара зейнеткерлерге көтеріңкі көңіл күй сыйлап қана қоймай, олардың белсенді өмірлік ұстанымын дәріптеген рухани және спорттық мереке болды.

«Кітап – менің досым» кітапханаға саяхат

admin — Wed, 10 Sep 2025 11:36:07 +0600

Қыркүйек айында 1 сынып оқушыларына арналған «Кітап – менің досым» атты кітапханаға саяхат ұйымдастырылды. Іс-шара барысында оқушыларды кітапхана меңгерушісі қарсы алып, кітапхананың құрылымы, бөлімдері және атқаратын қызметі туралы жан-жақты мағлұмат берді.
Оқушыларға кітапхананы пайдалану ережелері түсіндіріліп, кітапты дұрыс таңдау, сақтау және уақытында қайтару тәртібі айтылды. Сонымен қатар, кітапты ұқыпты ұстаудың маңыздылығы, оны жыртпау, беттерін бүктемеу, таза сақтау қажеттілігі туралы мысалдар арқылы түсіндірілді.
Кітапхана қорындағы ертегілер, балаларға арналған көркем әдебиеттер, танымдық кітаптар мен журналдар таныстырылып, балалардың жас ерекшеліктеріне сай кітаптар ұсынылды. Іс-шара барысында кітап туралы мақал-мәтелдер, жұмбақтар, сұрақ-жауап ұйымдастырылып, оқушылар белсенділік танытты. Іс-шара соңында оқушылар кітапханаға жазылу тәртібімен танысып, өздеріне ұнаған кітаптарды таңдап көруге мүмкіндік алды.

№210 мектеп-лицей оқушыларын «Балалар кітапханасы» жобасымен таныстыру

admin — Tue, 02 Sep 2025 11:11:21 +0600

02 қыркүйек 2025 жылы №210 мектеп-лицейде оқушыларға арналған таныстыру іс-шарасы өткізілді. Іс-шара барысында «Балалар кітапханасы» жобасының мақсаты мен бағыттары таныстырылып, кітапхананың қорында бар балалар әдебиеттері, танымдық кітаптар мен заманауи басылымдар туралы мәлімет берілді.
Сонымен қатар, оқушыларға кітапханаға тіркелу тәртібі, кітапты пайдалану ережелері және түрлі әдеби-танымдық іс-шаралар туралы ақпарат ұсынылды. Оқушылар белсенділік танытып, өздерін қызықтырған сұрақтарына жауап алды.

2023 жылғы 18 тамыздағы № 264 бұйрығы. «Қазақстан Республикасындағы бастауыш, негізгі орта, жалпы орта білім берудің үлгілік оқу жоспарларын бекіту туралы»

admin — Tue, 12 Mar 2024 09:58:41 +0600

2023 жылғы 10 тамыздағы № 253 бұйрығы.Мәдениет саласындағы білім беру ұйымдарын қоспағанда, білім беру ұйымдарында оқу-әдістемелік және ғылыми-әдістемелік жұмысты ұйымдастыру және жүзеге асыру қағидаларын бекіту туралы

admin — Wed, 06 Mar 2024 09:27:13 +0600