Мектеп кітапханасы - №210 мектеп-лицей

«Оқу құштар мектеп – табысты мектеп» тақырыбында ата-аналар жиналысы

admin — Mon, 12 Jan 2026 13:57:09 +0600

2026 жылдың 12 қаңтарында «Оқу құштар мектеп – табысты мектеп» тақырыбында ата-аналар жиналысы өткізілді. Жиналыс барысында оқушылардың оқу сауаттылығын арттыру, кітап оқуға қызығушылығын қалыптастыру және ата-аналармен бірлескен жұмыс жүргізудің маңыздылығы талқыланды.

“ Үздік оқырман ” бенефисі

admin — Thu, 18 Dec 2025 15:32:04 +0600

Мектеп кітапханасында “ Үздік оқырман ” бенефисі өтті!Оқырмандарды кітапқа деген сүйіспеншілігі мен ынтасы үшін марапаттаған ерекше шара ұйымдастырылды. Әдебиетке құштар, білімге ұмтылған оқушылардың еңбегі бағаланып, “Үздік оқырман” - бір жылда 18 кітап-журналдар оқып үлгерген 6 «В» сынып оқушысы - Тұрлықожа Аңсар марапатталды. Үздік оқырманды құрметтеу, кітап оқудың маңызын насихаттау, жас буынды шабыттандыру мақсатында ұйымдастырылған бұл шарадан ерекше әсер алған оқырмандарымыз өз ойларымен бөлісті, ал біз олардың жетістіктерін мақтан тұтамыз! Оқушыларымыздың белсенділігіне, кітаппен дос болуға деген талпынысына ризашылығымызды білдіреміз.
Кітап — білімнің қайнар көзі, ал үздік оқырман — оның ең адал досы!Оқу — үлкен күш. Оқитын ұрпақ — ойлайтын ұрпақ!Кітап – адамзаттың асыл қазынасы.Ал сол қазынаны тереңнен іздеп, үнемі оқыған оқырман – шынайы бай жан! #ҮздікОқырман #Адал Азамат #Балалар кітапханасы#Оқырман бенефисі

“ Бір отбасы – бір кітап” отбасылық сайысы

admin — Tue, 02 Dec 2025 15:30:05 +0600

«Балалар кітапханасы» жобасы аясында оқуға деген сүйіспеншілікті арттыру, отбасы арасындағы байланыс пен шығармашылықты күшейту мақсатында ұйымдастырылған кітап әлеміне саяхат жасап, отбасылық оқудың мәнін ашатын ерекше шара – “ Бір отбасы – бір кітап” атты 5 сынып оқушылары мен ата-аналарының қатысуымен кейіпкерлер байқауы ұйымдастырылды. Бұл байқауда әр отбасы белгілі бір кітапты таңдап, сол кітаптағы кейіпкерлерді сомдап, шығармадан көрініс көрсетті. Бұл — отбасының бірлігі, кітаптың құдіреті, шығармашылықтың шуағы тоғысқан- тек кітап оқу емес, отбасылық бірлік, өнер, рухани байлық мерекесі болды.Қ.Қайсенов – «Жау тылындағы бала»,Б.Соқпақбаев – «Балалық шаққа саяхат»,О.Бөкей – «Тортай мінген ақ боз ат»,М.Әуезов – «Көксерек»,Ш.Мұртаза – «Интернат наны»,С.Мұратбеков – «Жусан иісі»,Ағайынды Гриммдер – «Ертегілер жинағы» Бас жүлде Қ.Қайсеновтың «Жау тылындағы бала» шығармасын шынайы сомдаған Тохонай отбасына берілді. Олар батылдық пен ержүректілікті керемет бейнелеп, көрермендердің жүрегін жаулады. #БірОтбасыБірКітап #КітапСүйгішОтбасы #ӘдебиетСиқыры #БалаларМенАтаАна #ҮздікКейіпкер#Балаларкітапханасы

«Ұлт руханиятының алып тұлғасы — Міржақып Дулатұлы»

admin — Mon, 24 Nov 2025 15:28:37 +0600

М.Дулатұлының өмірі мен шығармашылығын таныстыру, оқушыларда ұлттық сана мен азаматтық сезімді қалыптастыру, кітапқа деген қызығушылықты арттыру мақсатында Алаштың көрнекті қайраткері, ақын-жазушы,публицист М.Дулатұлы-140жыл толуына байланысты «Ұлт руханиятының алып тұлғасы — Міржақып Дулатұлы» тақырыбында 6 сынып оқушыларымен мектеп кітапханасында танымдық сағат ұйымдастырылды. Танымдық сағат барысында оқушылар ақын, ағартушы Міржақып Дулатұлының өмірбаянымен танысты, «Оян, қазақ!» шығармасы арқылы білімге, еңбекке, елін сүюге шақырған үнін түсінді. Шарада мәтіндер мәнерлеп оқылып, топтық тапсырмалар орындалды, кітап көрмесі таныстырылды. Қорытынды бөлімде оқушылар шығармашылық ойларын білдіріп, М.Дулатұлының ұлттық әдебиет пен руханияттағы орнына баға берді. # Оқуға құштар мектеп#Балалар кітапханасы#Адал азамат

«Табиғатты сөйлеткен кітаптар» көрме , «Табиғат және кітап- рухани байлығымыз» пікіралмасу

admin — Mon, 10 Nov 2025 15:25:09 +0600

Оқушылардың табиғатқа және кітапқа деген сүйіспеншілігін арттыру, экологиялық мәдениет пен оқырмандық мәдениетті тәрбиелеу мақсатында мектеп кітапханасында 8-сынып оқушыларының қатысуымен «Табиғатты сөйлеткен кітаптар» атты көрме мен «Табиғат және кітап- рухани байлығымыз» тақырыбында пікіралмасу өткізілді. Табиғат – біздің тіршілігіміздің тірегі, ал кітап – білім мен парасаттың кілті. Шарада М.Әуезовтың «Абай жолы», Б.Соқпақбаевтың «Менің атым Қожа», Ш.Мұртазаның «Соғыстың соңғы жесірі»,Ә.Кекілбаевтың «Ханша Дария хикаясы»,Е.Тұрсыновтың «Мәмлүк» шығармалары көрмеге қойылып,табиғат бейнесі суреттелген тұстарынан үзінділер оқылып,оқушылар қойылған сұрақтарға белсенді жауап беріп отырды, аталмыш ақын-жазушылардың шығармаларындағы табиғат суреттерін талдап, олардың поэтикалық тіліндегі ерекшеліктерге тоқталды.Қатысушылар табиғат пен кітаптың өзара байланысын, яғни табиғаттың әдебиет арқылы адам жүрегіне жол табатынын атап өтті.Іс-шара оқушылардың әдебиетке деген қызығушылығын арттырып, табиғатты тану мен қорғауға деген көзқарасын қалыптастырды. Табиғаттың кітаптағы көркем бейнесі арқылы экологиялық және рухани құндылықтардың маңызы ашылды., әдебиеттегі табиғат бейнесінің терең мағынасын түсінді. # Балалар кітапханасы# Адал азамат#Оқуға құштар мектеп Пікіралмасу

Кітапханаға кітап сыйла» қайырымдылық акциясы

admin — Thu, 23 Oct 2025 15:19:20 +0600

Кітапханашылар күні қарсаңында «Кітапханаға кітап сыйла» атты қайырымдылық акциясы ұйымдастырылды. Акцияның мақсаты – кітапхана қорын толықтыру, оқырмандарға сапалы әдебиеттер ұсыну және кітап оқуға қызығушылықты арттыру болып табылады. Іс-шара барысында оқушылар, ұстаздар және ата-аналар белсене қатысып, түрлі жанрдағы көркем әдебиеттер мен ғылыми кітаптарды сыйға тартты.
Акция нәтижесінде кітапхана қоры жаңа басылымдармен толықтырылып, оқу мәдениетін дамытуға үлес қосты

«Қыран елім – Қазақстан» библиографиялық шолу

admin — Wed, 22 Oct 2025 15:17:28 +0600

Әдебиет — елдің жаны. Әрбір кітап — болашаққа жол сілтер шырақ.Туған жерін сүйген, Отанын ардақтаған қаламгерлердің сөзі — мәңгі өшпес мұра.
Республика күні мерекесіне орай мектеп кітапханасында «Қыран елім – Қазақстан» тақырыбында еліміздің ақын-жазушыларының кітаптарына библиографиялық шолу сағаты өткізілді. Шараның мақсаты – оқушыларға қазақ әдебиетінің көрнекті өкілдерінің Отан, Тәуелсіздік, ел мен жер тақырыбындағы шығармаларын таныстыру,оқушылардың туған елге деген сүйіспеншілігін арттыру,поэзия мен прозаны насихаттау арқылы оқуға қызығушылықты дамыту.
Кеш барысында қазақ әдебиетінің көрнекті өкілдерінің шығармаларына шолу жасалды. Атап айтқанда, Мұқағали Мақатаев, Фариза Оңғарсынова, Қадыр Мырза Әли, Сәбит Мұқанов, Бауыржан Момышұлы сынды тұлғалардың Отан, туған жер, елдік рух тақырыптарындағы туындылары оқушылар назарына ұсынылды.

«Өлең сөздің патшасы, сөз сарасы» аудандық сайыс

admin — Fri, 17 Oct 2025 15:16:04 +0600

Қазақтың бас ақыны Абай Құнанбайұлының 180 жылдық мерейтойына арналған аудандық «Өлең сөздің патшасы, сөз сарасы» атты кітапханашылардың ұйымдастыруымен өткен Абай оқулары сайысында мектебіміздің атынан қатысып, жүлделі ІІ орынға ие болған химия пәні мұғалімі Момбаева Дана Бейбітқызына зор алғысымызды білдіреміз. Ол ұлы Абайдың асқақ сөздерін тек оқып қана қоймай, әнмен өрнектеп, тыңдармандар жүрегіне жол тапты.Дана Бейбітқызының ән орындауы — Абайдың рухани әлемін, терең мағынасын ерекше әсерлі жеткізіп, сайысқа ерекше сән берді. Бұл жеңіс — ұстаздық пен өнердің ұштасуы, білім мен мәдениеттің асқақ көрінісі.
Оған алдағы шығармашылық табыстар мен шабыт тілейміз! Мектебіміздің мерейін көтерген әріптесімізбен мақтанамыз!

"Сыр сұхбат" жергілікті ақын-жазушылармен кездесу

admin — Thu, 25 Sep 2025 15:05:19 +0600

Жас ақын, сазгер, журналист Дастан Құйқастың поэзия әлеміне терең бойлаЙ отырып, жас ұрпақты көркем сөз құдіреті арқылы тәрбиелеу, ұлттық әдебиетті дәріптеу және шығармашылыққа деген қызығушылықты арттыру мақсатында ақынның шығармашылығына арналған әдеби кеш ұйымдастырылды.Кеш барысында ақын өз шығармаларын оқып, олардың шығу тарихымен бөлісіп, шығармашылық жолы мен әдеби көзқарастары жөнінде сыр шертті. Сонымен қатар, оқушылар тарапынан қойылған сұрақтарға жауап беріп, шығармашылық кеңестермен бөлісті. Кеш соңында оқушылар өз әсерлерімен бөлісіп, ақынға алғыстарын білдірді. Ақынның поэзиясы арқылы жастардың рухани дамуына ықпал ететін бұл кеш жоғары деңгейде өтті.

«Абай – ұлы даланың ұлы ойшылы» кітап көрмесі

admin — Thu, 11 Sep 2025 14:59:10 +0600

«Балалар кітапханасы» және «Оқуға құштар мектеп» бағдарламалары аясында «Абай – ұлы даланың ұлы ойшылы» тақырыбында Ұлы ақын, ойшыл, философ Абай Құнанбайұлының өмірі мен шығармашылығын оқушыларға кеңінен таныстыру;Абайдың қара сөздері мен поэзиясы арқылы ұлттық рухты, адамгершілік пен білімге құштарлықты дәріптеу;Оқушылардың әдебиетке, кітап оқуға деген қызығушылығын арттыру мақсатында ақынның 180 жылдығы төңірегінде ұйымдастырылған көрме оқушылар мен ұстаздардың тарапынан жылы пікірлер айтылып, үлкен қызығушылықпен қабылданды.
Көрмеде төмендегі материалдар қойылды:
• Абай Құнанбайұлының шығармалары: өлеңдер жинағы, қара сөздері;• Абай туралы жазылған зерттеу еңбектер, ғылыми мақалалар, эсселер;• Ақынның өмірінен фотосуреттер мен иллюстрациялар;