Бүгін мектебімізге “Л.Б. Гончаров атындағы Қазақ автомобиль-жол институтының” өкілдері келіп, 11-сынып оқушыларымен кәсіби бағдар беру кездесуі өтті.

Кездесу барысында оқушыларға оқу орнының тарихы, мамандықтар тізімі, оқу шарттары және гранттық мүмкіндіктері туралы жан-жақты ақпарат берілді. Сондай-ақ, жоғары оқу орнында білім алудың артықшылықтары мен болашақ мамандық таңдаудың маңызы талқыланды.

Мұндай кездесулер оқушылардың кәсіби бағыт-бағдарын айқындауға және саналы таңдау жасауына үлкен мүмкіндік береді

 Іс-шараның негізгі мақсаты – оқушыларды заманауи жоғары оқу орнының инфрақұрылымымен таныстыру, кәсіби бағдар беру жұмыстарының тиімділігін арттыру және болашақ мамандықты саналы түрде таңдауға ықпал ету.

Сапар барысында оқушылар университеттің оқу ғимараттарын аралап, заманауи жабдықталған дәрісханалармен, зертханалармен, IT және инженерлік бағытқа арналған тәжірибелік бөлмелермен, сондай-ақ кең көлемді кітапхана қорымен танысты. Сонымен қатар оқушыларға университеттің миссиясы, білім беру бағдарламалары, гранттық мүмкіндіктері және студенттік өмірдің ерекшеліктері жөнінде ақпарат берілді.

Іс-шара оқушылардың жоғары оқу орнындағы академиялық орта жайлы түсінігін кеңейтіп, олардың оқу мотивациясын арттыруға әсер етті. Бұл сапар кәсіби бағдар берудің бір бөлігі ретінде оқушылардың болашақ мамандықты таңдауда жауапкершілік сезімін қалыптастыруға, жаңа мүмкіндіктерді түсінуге және білімге деген қызығушылығын дамытуға бағытталды.

Оқушыларды мектептен арнайы көлікпен алып кетті, жол шамамен 30 минутқа созылды. Зауытқа келген соң, қызметкерлер жылы қарсы алып, зауыттың тарихы мен жұмыс барысымен таныстырды. 

Оқушылар бөтелкенің қалай жасалатынын, судың қайдан алынатынын және қалай тазаланатынын өз көздерімен көрді.

Тіпті суды тазарту зертханасында классикалық музыка ойнап тұрды  — мамандардың айтуынша, ол суға жағымды энергия береді екен.

Сондай-ақ қойма мен өндіріс орнын аралап, соңында конференц-залда “Самал су” туралы бейнежазба тамашалады.

Экскурсия соңында зауыт бізге өздерінің таза әрі табиғи суларын сыйға тартты. 

Бұл саяхат оқушыларға үлкен әсер қалдырды! Әрбір тамшы судың артында үлкен еңбек пен жауапкершілік тұрғанын түсінді. 

Экскурсия жетекшісі: Кәсіптік бағдар беру педагогы Жумабекова Аида.

Іс-шара әл-Фараби атындағы ҚазҰУ (Әл-Фараби кітапханасы) базасында керемет жылы атмосферада өтілді. 

Семинардың спикерлері:

- Омарбек Көшкімбайұлы — SDU PhD докторанты, 15 жылдық тәжірибесі бар педагог-профориентолог, мотиватор, коуч;

Бұл жүйе бойынша әр адам – 16 түрлі тұлға типінің біріне жатады.

Тестке 20 оқушы қатысты. Оның ішінде 4 оқушы ENTP – “Идея генераторы”, 7 оқушы . INTJ – “Жоспарлаушы ми”, 2 оқушы ESTP – “Іс-қимыл адамы”, 1 оқушы ISFP – “Жайлы көркем жан”, 6 оқушы ESFJ – “Қамқор ұйымдастырушы” екені анықталды. Әр оқушының типіне сай оларға жеклей анықтама беріліп, болашақта өздерін қандай салада мықты екенін көрсете алатыны айтылды.

«Еңбекқорлық, кәсібилік сияқты қасиеттер өте жоғары бағалануы тиіс. Өз ісінің шебері – ұлттың сапасын арттырады». Осыған орай биылғы жыл "2025 жыл - Жұмысшы мамандықтар жылы" деп жарияланған болатын. 19-қыркүйек №210 мектеп-лицейінің  9-сынып оқушылары қаламызда орналасқан "Алматы техникалық колледжі" мен "Алматы құрылыс-техникалық колледжіне" барып, кәсіби білім беру бағыттарымен танысты.

Оқушылар түрлі жұмысшы мамандықтарының маңызын көріп, шеберханалар мен зертханаларды аралады. Әр мамандықтың артында жауапкершілік пен нақты шеберлік жатқанын түсінді.

Кәсіптік бағдар беру жұмысына жетекшілік еткен — Жумабекова Аида Еркінқызы.

Біз бұл сапар арқылы оқушыларға адал еңбек пен дұрыс мамандық таңдаудың құндылығын жеткізуді мақсат еттік.